Denis Villeneuve | |
---|---|
![]() Denis Villeneuve in 2013 | |
Gebore | 30 November 1967 |
Nasionaliteit | Kanadees |
Alma mater | Université de Québec à Montréal |
Beroep | Regisseur en draaiboekskrywer |
Eggenoot | Tanya Lapointe |
Denis Villeneuve ([dəni vilnœv]; * 3 Oktober 1967 in Gentilly (tans Bécancour), provinsie Quebec[1]) is 'n Frans-Kanadese rolprentregisseur en draaiboekskrywer. Drie van sy prente is met die Genie-filmprys vir beste regie bekroon wat tussen 1980 en 2012 deur die Academy of Canadian Cinema and Television / Académie canadienne du cinéma et de la télévision toegeken is: Maelström (2001), Polytechnique (2010) en Incendies (2011). Al drie prente het ook die Akademie se prys as beste rolprent gewen.
Internasionale bekendheid het Villeneuve veral met sy misdaadrillers verwerf, waaronder Prisoners (2013) en Sicario (2015), en die wetenskapsfiksie-drama Arrival (2016). Die laasgenoemde is genomineer vir agt Oscars, waaronder dié vir beste prent en beste regisseur. Sy grootste projek ooit sal Blade Runner 2049 wees, die opvolgprent van Ridley Scott se tech noir-wetenskapsfiksie-rolprent Blade Runner.[2]